165. "Si non resipuerint ad operibus suis." - Quod significet si non Se separent ab illis, constat ex significatione "resipiscere," quod sit se separare a falsis (de qua supra, n. 163); et ex significatione "operum," quod hic sint scortationes cum Isabele, per quas significantur receptiones falsorum (de quibus mox supra, n. 163). Separare se ab illis est paenitentiam agere, et paenitentiam agere est desistere a malis et falsis, et dein fugere et aversari illa (videatur Doctrina Novae Hierosolymae, n. 161, 165, 169, et seq.).