Ex Prophetis, vide etiam Redemptio. Sic dixit Jehovah Factor tuus, et Formator tuus ab utero, quia effundam aquas super sitientem, et rivulos super aridam, effundam spiritum meum super semen tuum, et benedictionem meam super natos tuos, ut germinent in medio graminis, et sicut salices juxta rivos aquarum, Esaj: XLIV: 2.3.4. Formavi te, sic dixit Redemptor tuus, et Formator tuus ab utero, Ego Jehovah faciens omnia, expandens coelos solus, et extendens terram a Me ipso, delebo sicut nubem praevaricationes tuas, et sicut nubem peccata tua, revertere ad Me, quia redemi te, Esaj: XLIV: [21.] 22.23.24. Stillate coeli desuper, et nubes defluant justitia, aperiat se terra ut frucificent salutem, et justitia germinet una. Sic dixit Jehovah, Sanctus Israelis, et Formator ejus, Ego feci terram, et hominem super ea creavi, Ego, manus meae expanderunt coelos, et omni exercitui eorum praecepi, Esaj: XLV: 8.11.12. Dixit Jehovah, Formator meus ab utero, Esaj: XLIX: 5. Quod Regeneratio describatur per ossa arida, quae fiet in Nova Ecclesia, Ezech: XXXVII: 1 ad 15, tum etiam per duo ligna, Jehudae et Josephi, quae erunt in unum lignum, 15 ad 20, quod hoc fiat per Dominum, qui per Davidem ibi intelligitur, 24 ad 28. Cor mundum crea in Me Deus, et spiritum firmum innova in medio mei, et spiritum sanctitatis ne aufer a Me, reduc mihi gaudium salutis tuae, spiritus spontaneus sustentet me, Psalm: LI: 12.13.14. Propinquus Jehovah omnibus invocantibus Ipsum, et clamorem illorum audiet, Ps: CXLV: 18.19.