22. Sed quia multi ruperunt et rumpunt hoc conjugium, imprimis per separationem fidei a charitate,- nam fides est veri ac verum est fidei, ac charitas est boni et bonum est charitatis,- et per id conjungunt apud se malum et falsum, et sic oppositi facti sunt et fiunt, ut tamen hi usque inserviant pro conjunctione boni et veri apud alios, providetur a Domino per aequilibrium, per relationem, et per purificationem.