519. Violatio Verbi fit ab his, qui in Ecclesia Christiana adulterant bona et vera ejus, et illi hoc faciunt, qui separant verum a bono, et bonum a vero; tum qui apparentias veri et fallacias pro genuinis veris assumunt et confirmant; ut et, qui vera doctrinae ex Verbo sciunt, et male vivunt, praeter similes alios. Hae Violationes Verbi et Ecclesiae correspondent Gradibus prohibitis, Levit. XVIII. enumeratis.