1113. Sunt puellae quae in scortationes inductae sunt ac ita persuasae quod nihil mali iis insit, indole alioquin probae; illae, quia nondum ad eam aetatem pervenerunt ut scire et judicare de tali vita potuerint, habent quendam instructorem apud se, admodum severum, qui eas castigat quoties cogitatione in tales petulantias erumpunt; hunc maximopere timent; et sic vastantur. At feminae adultae quae scorta fuerunt et pellexerunt alias, non vastationem subeunt, sed in inferno sunt.