1354. Vers. 25. Et vixit Nahor, postquam genuit illum Terahum, novendecim annis et centum annis; et genuit filios et filias. 'Vixit Nahor postquam genuit Terahum (x)novendecim annis et centum annis' significat durationem et statum; per 'Nahorem' significatur, hic ut prius, cultus vergens ad idololatricum; per 'Terahum' cultus idololatricus: 'et genuit filios et filias' significat ritualia idololatrica.