1513. Quidam ex illis qui tepidi vocantur, ad me venit, se gerens tanquam resipuerit, nec sentiebam dolum, tametsi cogitarem quod intus reconderet sed spiritus dicebant quod non sufferre possent ejus praesentiam, et quod sentirent apud se quasi effectum qualem solent homines habere ad vomitum et quod inter tales esset qui exspuendi: is postea nefanda locutus nec desistere potuit, quomodocumque persuadebatur quod non ita loquendum.