1934. Vers. 9. Et dixit ei angelus Jehovae, Revertere ad dominam tuam, et humilia te sub manibus illius. `Dixit angelus Jehovae' significat Interioris Hominis Domini responsum: `revertere ad dominam tuam' significat quod animadverterit se non fidere sibi debere, sed vero interiori et ejus affectioni: `et humilia te sub manibus illius' significat quod se cogere debeat ut sit sub illius potestate.