7276. `Et dabo manum Meam in Aegyptios': quod (x)significet quod ideo per Divinam potentiam adigentur, constat ex significatione manus' quod sit potentia, de qua n. 878, 4931-4937, 5327, 5328, 7011, 7188, 7189, et cum Jehovah de Se loquitur, et dicit `manus Sua' quod sit Divina potentia; et a significatione `Aegyptiorum' quod sint qui in falsis et infestant, de qua prius; inde patet quod per `dabo manum Meam in Aegyptios' significetur quod per Divinam potentiam adigentur illi qui in falsis.