8238. `Et vidit Israel manum magnam quam fecit Jehovah in Aegyptiis': quod significet agnitionem omnipotentiae Domini, constat ex significatione `videre' quod sit intelligere, agnoscere, et fidem habere, de qua n. 897, 2150, 2325, 2807, 3796, 3863, 3863, 4403-4422, 5400, 6805; ex significatione `manus magnae, fortis, robustae, excelsae,' cum dicitur de Jehovah, hoc est, Domino, quod sit omnipotentia, de qua n. 878, 7188, 7189, 7518, 8050, 8069, 8153; et ex repraesentatione `Aegyptiorum' quod sint qui in damnatione, nunc qui in inferno.