8961. In tentationibus agitur de (x)dominio mali quod apud hominem ab inferno et boni quod apud illum a Domino; malum quod dominari vult est in naturali seu externo homine, at bonum est in spirituali seu interno; inde est quod etiam in tentationibus agatur de dominio unius super alterum; si malum vincit tunc naturalis homo dominatur super spiritualem, si bonum vincit tunc spiritualis homo dominatur super naturalem.