9485. `Et faciant arcam': quod significet intimum caelum, constat ex significatione `arcae' quod sit intimum caelum, nam per (x)testimonium seu legem in arca significatur Dominus, ex causa quia testimonium est Divinum Verum, et Divinum Verum est Dominus in caelo, videatur infra n. (x)9503; inde nunc `arca' significat intimum caelum; quapropter illa erat sanctissimum, et a populo colebatur pro {1} Jehovah, credebatur enim quod {2}Jehovah ibi et inter cherubos habitaret, {3}ut constat apud Davidem, Audivimus in Ephrata; intrabimus in habitaculum Ipsius, incurvabimus nos scabello pedum Ipsius; surge, Jehovah, ad requiem Tuam, Tu et arca fortitudinis (x)Tuae, Ps. cxxxii 6-8;
agitur ibi de Domino; `Ephrata' est Bethlechem ubi Dominus natus {4}, Mic. v 1 [A. V. 2]; Matth. ii 6; `habitaculum' est caelum ubi Dominus; `Tu et arca fortitudinis Tuae' est Dominus ac repraesentativum {5} Ipsius;quod arca sit repraesentativum {6}Domini, patet apud Jeremiam, Reducam vos Zionem; in diebus illis non dicent amplius, Arca foederis, neque (x)ascendet super cor, nec mentionem facient ejus, neque desiderabunt, neque reparabitur amplius; in tempore illo vocabunt Hierosolymam thronum Jehovae, et congregabuntur ad eam omnes gentes ob nomen Jehovae Hierosolymam, iii 14, 16, 17;
agitur ibi de nova Ecclesia; repraesentativum prioris Ecclesiae, quod tunc abolendum, intelligitur per arcam, quae non dicetur amplius, nec ascendet super cor, nec reparabitur; Hierosolyma, ad quam congregabuntur gentes, est nova illa Ecclesia; inde patet quod per `arcam' significetur repraesentativum Domini (c)ac Ipsius cultus in Ecclesia; simile ac per `juge' et per `habitaculum sanctuarii' apud Danielem viii 11. 3 (x)Quod arca pro Jehovah a populo Israelitico et Judaico coleretur, et quod crederetur quod ibi et inter cherubos habitaret, patet in Libro 2 Samuelis, Ascendere fecit David arcam Dei, cujus vocatur nomen, nomen Jehovae Zebaoth insidentis cherubis super illa, vi 2:
et apud Moschen, Quando proficiscebatur arca, dixit Moscheh, Surge, Jehovah, dispergantur inimici Tui et fugiant osores Tui coram faciebus Tuis; quando quiescebat, {7}dicebat, Redi, Jehovah, myriades milium Israelis, Num. x 33-36. {8} Quod intimum caelum per arcam significaretur, {9}erat quia per totum tabernaculum seu tentorium {10}repraesentabatur universum caelum angelicum, ultimum ejus per atrium, medium ejus per habitaculum ubi sacerdos ministrabat, et intimum per {11}habitaculum intra velum, ubi arca in qua testimonium. @1 i Ipso$ @2 After cherubos$ @3 sed nesciebatur quod per arcam Dominus significabatur, consequenter coelum, ubi Dominus est omne in omnibus; quod ita sit constat$ @4 i est$ @5 i Divini Humani$ @6 Divini$ @7 dixit$ @8 i Et quia credebatur a populo quod ita prorsus esset, sicut repraesentabatur, nempe quod ipsum Divinum ibi habitaret, ideo etiam per arcam miracula facta sunt, ut constat apud Josua, cap. iii 3, 8, 11, 13 ad 17; cap. iv 3, 5, 9, 10, 11, 16, 17; cap. vi 1 ad 6, 9 ad 20; et ideo parebatur postea in adyto in Templi medio, ubi sanctum sanctorum sub alis Cheruborum, 1 Reg. vi 19.$ @9 est$ @10 significabatur$
This page is part of 
© 2000-2001 The Academy of the New Church