9579. Duci ad tellures in universo non est duci et transferri illuc quoad corpus sed quoad spiritum; et spiritus non ducitur per spatia sed per variationes status vitae interioris, quae apparent ei sicut progressiones per spatia, n. (x)5605, 7381, 9440; appropinquationes etiam fiunt secundum statuum convenientias seu similitudines, nam status convenientia seu similitudo conjungit, et disconvenientia seu dissimilitudo disjungit. Inde constare potest quomodo translatio fit quoad spiritum et ejus appropinquatio ad dissita, manente usque homine in suo loco.