9599. Vers. 2-6. Longitudo aulaei unius octo et viginti in cubito, et latitudo quattuor in cubito, aulaeum unum; mensura una omnibus aulaeis. Quinque aulaea erunt conjuncta, quodvis ad alterum, et quinque aulaea conjuncta, quodvis ad alterum. Et facies loramenta hyacinthini super ora aulaei unius ab extremitate in junctura, ac ita facies in ora aulaei extremi in conjunctura altera. Quinquaginta loramenta facies in aulaeo uno, et quinquaginta loramenta facies in extremitate aulaei quae in conjunctura altera; suscepta erunt loramenta, quodvis ad alterum. Et facies quinquaginta ansulas auri, et conjunges aulaea, quodvis ad alterum in ansulis, et erit habitaculum unum. `Longitudo aulaei unius octo et viginti in cubito' significat sanctum veri ex bono: `et latitudo quattuor in cubito' significat conjugium veri cum bono: `aulaeum unum' significat ita singulis veris: `mensura una omnibus aulaeis' significat statum rei similem: `quinque aulaea erunt conjuncta, quodvis ad alterum, et quinque aulaea conjuncta, quodvis ad alterum' significat communicationem veri cum bono et boni cum vero constantem: et facies loramenta hyacinthini' significat conjunctionem per caelestem amorem veri: `super ora aulaei unius ab extremitate in junctura' significat unius sphaerae cum altera: `ac ita facies in ora aulaei extremi in conjunctura altera' significat ita reciproce: `quinquaginta loramenta facies in aulaeo uno' significat conjunctionem plenariam in sphaerarum ultimis: `et quinquaginta loramenta facies in extremitate aulaei quae in conjunctura altera' significat similiter reciproce: `suscepta erunt loramenta, quodvis ad alterum' significat conjunctionem utrinque omnimodam: `et facies quinquaginta ansulas auri' {1}significat plenariam conjunctionis facultatem a bono: `et conjunges aulaea, quodvis ad alterum in ansulis' significat modum conjunctionis ubivis: `et erit habitaculum unum' significat totum caelum ita prorsus unum. @1 est$