9633. Vers. 15-30. Et facies asseres habitaculo lignis schittim, stantes. Decem cubiti longitudo asseris, et cubitus et dimidius cubitus latitudo asseris unius. Duae manus asseri uni combinatae, quaevis ad alteram; ita (x)facies omnibus asseribus habitaculi. Et facies asseres habitaculo, viginti asseres angulo meridiei versus austrum. Et quadraginta bases argenti facies sub viginti asseribus, duas bases sub assere uno duabus manibus ejus, et duas bases sub assere uno duabus manibus ejus. Et lateri habitaculi alteri ad angulum septentrionis viginti asseres. Et quadraginta bases eorum argento, duas bases sub assere uno, et duas bases sub assere uno. Et duobus cruribus habitaculi versus mare facies sex asseres. Et duos asseres facies angulis habitaculi in duobus cruribus. Et erunt geminati ab infra et simul erunt geminati ad caput ejus, ad annulum unum; ita erit ambobus illis, ad duos angulos erunt. Et erunt octo asseres et bases eorum argento sedecim bases, duae bases sub assere uno, et duae bases sub assere uno Et facies vectes lignis schittim, quinque asseribus lateris habitaculi unius. Et quinque vectes asseribus lateris habitaculi alterius, et quinque vectes asseribus lateris habitaculi ad bina crura versus mare. Et vectis medius in medio asserum transiens ab extremitate ad extremitatem. Et asseres obduces auro, et annulos [eorum] facies auro, domos vectibus, et obduces vectes auro. Et statues habitaculum secundum modum quem videre factus es in monte. `Et facies asseres habitaculo' significat bonum sustentans caelum illud: `lignis schittim' significat quod sit bonum meriti a Divino Humano Domini: `decem cubiti longitudo asseris' significat bonum id omne in omnibus: `et cubitus et dimidius (o)cubitus latitudo asseris unius' significat verum inde (x)conjungens quantum satis: `duae manus asseri uni' significat potentiam inde: `combinatae quaevis ad alteram' significat inde conjunctionem Domini cum illis qui in eo caelo: `ita facies omnibus asseribus habitaculi' significat ita ubivis: `et facies asseres habitaculo viginti' significat bonum sustentans caelum omnimode et prorsus: `asseres angulo meridiei versus austrum' significat usque in interiora ac intima ejus, ubi verum in luce {1}: `et quadraginta bases argenti' significat plenariam sustentationem per verum: `sub viginti asseribus' significat quod procedit ex bono quod a Divino Humano Domini: `duas bases sub assere uno' significat conjunctionem ejus cum bono: `duabus manibus ejus' significat inde potentiam: `et duas bases sub assere uno duabus manibus ejus' significat ita in omnibus et singulis: `et lateri habitaculi alteri ad angulum septentrionis' significat versus exteriora illius caeli ubi verum in obscuro: `viginti asseres' significat bonum sustentans omnimode et prorsus: `et quadraginta bases eorum argento' significat etiam ibi plenariam sustentationem per verum: `duas bases sub assere uno' significat per conjunctionem cum bono: `et duas bases sub assere uno' significat ubivis: `et duobus cruribus habitaculi versus mare' significat conjunctionem cum caelo ubi bonum est in obscuro: `facies sex asseres' significat ubi {2} bonum a Divino Humano Domini omnimodum: `et duos asseres facies angulis habitaculi in duobus cruribus' significat quale conjunctionis ibi cum bono: `et erunt geminati ab infra, et simul geminati ad caput ejus' significat conjunctionem ab exteriore et ab interiore: `ad annulum unum' significat sic consistentiam: `ita erit ambobus illis ad duos angulos erunt' significat similem conjunctionem ubivis: `et erunt octo asseres, et bases eorum argento' significat omnimodam sustentationem a bono et per verum quod ex bono: `(x)sedecim bases' significat sustentationem prorsus: `duae bases sub assere uno, et duae bases sub assere uno' significat per conjunctionem veri cum bono ubivis: `et facies vectes lignis schittim' significat potentiam veri ex bono: `quinque asseribus lateris habitaculi unius' significat quo spectat versus caeli interiora, ubi verum in luce: `et quinque vectes asseribus lateris habitaculi alterius' significat potentiam veri ex bono quo spectat versus exteriora ubi verum est in obscuro: `et quinque vectes asseribus lateris habitaculi ad bina crura versus mare' significat potentiam veri ex bono quo spectat caelum illud ubi conjunctio est cum bono quod in obscuro `et vectis medius in medio asserum transiens ab extremitate ad extremitatem' significat potentiam primariam e qua potentiae ubivis continuantur: `et asseres obduces auro, et annulos eorum facies auro, domos vectibus, et obduces vectes auro' significat repraesentativum boni ex quo et per quod omnia: `et statues habitaculum secundum modum quem videre factus es in monte' significat ad plagas secundum status boni et inde veri in caelo quod repraesentatur. @1 The following note is interpolated here: (quod ideo omnia templa sint ad orientem et occidentem) cp n. 9642 (10)$ @2 ibi AIT cp n. 9654$