9999. Vers. 4-9. Et Aharonem et filios ejus appropinquare facies ad ostium tentorii conventus, et lavabis eos aquis. Et accipies vestes, et indues Aharonem tunica, et pallio ephodi, et ephodo, et pectorali; et cinges illum cingulo ephodi. Et pones cidarim super caput ejus, et dabis coronamentum sanctitatis super cidarim. Et accipies oleum unctionis, et fundes super caput ejus, et unges eum. Et filios ejus appropinquare facies, et in indues illos tunicis. Et accinges illos balteo, Aharonem et filios ejus, et alligabis illis tiaras, et erit illis sacerdotium in statutum saeculi; et implebis manum Aharonis, et manum filiorum ejus. {1} `Et Aharonem et filios ejus' significat Dominum quoad Divinum Bonum et quoad Divinum Verum inde: `appropinquare facies ad ostium tentorii conventus' significat conjunctionem utriusque in caelo: `et lavabis eos aquis' significat purificationem per vera fidei: `et accipies vestes, ac indues Aharonem' significat repraesentativum regni spiritualis Domini: `tunica' significat intimum illius regni: `pallio ephodi' significat medium illius regni: `et ephodo' significat ultimam ejus: `et pectorali' significat Divinum Verum elucens ex Divino Bono Domini: {2} `et pones cidarim super caput ejus' significat Divinam Sapientiam: `et dabis coronamentum sanctitatis super cidarim' significat Divinum Humanum Domini: `et accipies oleum unctionis' significat repraesentativum inaugurationis in Divinum Bonum: `et fundes super caput ejus, et unges eum' significat repraesentativum Divini Boni in Domino quoad totum Humanum: `et filios ejus appropinquare facies' significat conjunctionem Divini Veri procedentis ex Divino Bono Domini: `et indues illos tunicis' significat repraesentativum Divini Spiritualis procedentis: `et accinges illos balteo' significat vinculum conjunctionis ut omnia teneantur in nexu, et inde in forma caelesti: `Aharonem et filios ejus' significat Dominum quoad Divinum Bonum, et inde procedens Divinum Verum: `et alligabis illis tiaras' significat intelligentiam ex sapientia: `et illis erit sacerdotium' significat Dominum quoad opus salvationis in ordine successivo: `in statutum saeculi' significat secundum leges ordinis aeternas: `et implebis manum Aharonis, et manum filiorum ejus' significat repraesentativum Divinae Potentiae Domini per Divinum Verum ex Divino Bono. @1 See p. ix preliminary note 2. 4. Et Aharonem et filios ejus, significat Dominum quoad Divinum Bonum et quoad Divinum Verum: appropinquare facies ad ostium Tentorii conventus, significat conjunctionem utriusque: et lavabis eos aquis, significat purificationem per vera fidei. 5. Et accipies vestes, et indues Aharonem, significat repraesentativum regni spiritualis in Domino: tunica, significat intimum ejus: pallio ephodi, significat medium ejus: et ephodo, significat ultimum ejus: et pectorali, significat Divinum Verum elucens ex Divino Bono in ultimis. 6. Et pones cidarim super caput ejus, significat Divinam sapientiam: et dabis coronamentum sanctitatis super cidarim, significat Divinum Humanum Domini. 7. Et accipies oleam unctionis, significat repraesentativum inaugurationis in Divinum Bonum: et fundes super caput ejus, et unges eum, significat ad conjunctionem cum Divino Bono quoad totum Humanum. 8. Et filios appropinquare facies, significat Dominum quoad Divinum Verum, inde: et indues illos tunicis, significat repraesentativum Divini spiritualis procedentis. 9. Et accinges illos baltheo, significat vinculum conjunctionis ut omnia teneantur in nexu, et inde in forma coelesti: Aharonem et filios ejus, significat Dominum quoad Divinum Bonum et inde procedens Divinum Verum: et alligabis illis tiaras, significant [significat intended] intelligentiam ex sapientia: et illis erit sacerdotium, significat repraesentativum Domini quoad opus salvationis in ordine successivo: in statutum saeculi, significat secundum leges ordinis aeternas: et implebis manum Aharonis, et manum filiorum ejus, significat inaugurationem per Divinum Verum. (est repraesentativum Divinae potentiae, per Divinum Verum ex Divino Bono, idem est; ac sedere ad dextram virtutis Dei.$ @2 AI do not expound et cinges illum cingulo ephodi. In his critical notes T suggests: