145. Extensio Divini in universum est quod praedicari potest de Divino procedente, quod est Divinum Verum et vocatur Verbum. Per hoc omnia facta sunt quae facta, et mundus ex illo creatus est, secundum verba apud Johannem, cap. i. Sed idea de ipso Divino habenda est; idea ut de Homine, cujus Divinus Amor apparet ut Sol, et inde lux est Divinum Verum, et calor est Divinum Bonum. Sed usque idea extensionis cadit solum in mundum naturalem, sed non [est] in mundo spirituali; in hoc, extensio sicut spatium et distantia est modo apparentia (de qua re in opere De Caelo et Inferno, ubi De Spatio).