33. Eruditi secundum ideam suam ponunt Divinum Domini extra Ipsum, ex causa quia cogitant de Divino Patris, et quia cogitant solum de Humano Domini separato a Divino, nec cogitant de Divino Ipsius Domini in Humano. De eo nec attendunt ad verba in Symbolo Athanasii ultima, quae verba prorsus non expendunt; sed manent in sola idea de binis naturis, quas separant, contra verba Symboli.