239. Vita hominis non mutari potest post mortem; manet tunc qualis fuerat; nam spiritus hominis totus quantus est qualis ejus amor, et amor infernalis non transcribi potest in amorem caelestem, quoniam oppositi sunt. Hoc intelligitur per Abrahami verba ad divitem in inferno, "Hiatus magnus est..inter vos et nos, ut illi qui volunt transire ad vos non possint, neque etiam istinc transire ad nos" (Luc. xvi. 26). Inde patet quod qui in infernum veniunt, ibi maneant in aeternum; et qui in caelum veniunt, ibi maneant in aeternum.