10400. `Quia hic Moscheh ille vir qui ascendere fecit nos e terra Aegypti, non scimus quid sit illi': quod significet quod prorsus ignotum sit quid Divinum Verum in Verbo aliud, quod elevat hominem ab externo in internum, et facit Ecclesiam, constat ex repraesentatione `Moschis' quod sit Verbum, ita Divinum Verum, de qua in locis citatis n. 9372; inde dubitativum et negativum quod Divinum Verum aliud sit quam quod in sensu litterae exstat, significatur per `hic Moscheh ille vir non scimus quid sit illi'; quod dicatur `hic vir,' est quia per `virum' in Verbo significatur verum, videatur n. 3134, 3309, 3459, 7716, 9007; et ex significatione `ascendere facere filios Israelis e terra Aegypti' quod sit elevatio e naturali seu externo homine ad internum seu spiritualem, ut fiat Ecclesia; nam per `terram Aegypti' significatur {1}naturale seu externum Ecclesiae, per `ascendere facere' elevatio {2}, et per `filio Israelis' Ecclesia; quod `terra Aegypti' sit {3}naturale seu externum Ecclesiae, videatur in locis citatis n. 9391, quod `ascendere facere' sit elevare ab {4}externo ad internum, n. 3084, 4539, 4969, 5406, (x)5817, 6007, ita a naturali homine ad spiritualem, et quod {5}`filii Israelis' sint [2] Ecclesia, in locis citatis n. 9340; ex his patet quod per `hic Moscheh ille vir qui ascendere fecit nos e terra Aegypti, non scimus quid sit illi' significetur quod prorsus ignotum sit quid Divinum Verum in Verbo aliud {6} quod elevat hominem ab externo ad internum, et facit Ecclesiam, quam quod in sensu litterae exstat; ita quoque cogitant et loquuntur omnes illi qui in externis absque internis sunt, ac omnes (x)illi in externis absque internis sunt, qui in amoribus sui et mundi sunt; nam apud illos clausus est internus homo, et solum externus apertus; et quod externus homo cum legit Verbum, absque interno videt, in caligine {7}videt, nam lumen naturale absque luce e caelo est in spiritualibus mera caligo; et lux e caelo intrat per internum hominem in externum, et hunc illuminat; inde {8} est quod tot haereses exstiterint, et quod Verbum a quibusdam dicatur liber haeresium, quodque nesciatur prorsus quod aliquid internum in Verbo sit; et qui cogitant quod tamen sit, quod usque nesciant ubinam id; quod tales sint qui per draconem, qui cauda sua traxit e caelo tertiam partem stellarum, et projecit in terram, in Apocalypsi xii, intelligantur, alibi, ex Divina Domini Misericordia, ostendetur {9}; {10}observent, qui velint, num aliquis [3] hodie aliter sciat quam quod ipsum Divinum Verum Verbi sit sensus litterae ejus, sed cogitent etiam num aliquis (t)possit scire Divina Vera Verbi in illo sensu quam per doctrinam inde; et si non doctrina ei pro lucerna sit, quod auferatur in errores, quocumque obscurum intellectus ejus, ac jucundum voluntatis ejus {11}ducit et trahit eum; doctrina, quae pro lucerna erit, est quam docet sensus internus, ita est ipse sensus internus, {12}qui quodammodo patet cuique, tametsi nesciat quid sensus internus, qui in externo est ab interno, hoc est, cui internus homo est apertus; nam caelum, quod in sensu Verbi interno est, apud hominem {13}illum cum legit Verbum, influit, illum illustrat, (c)ac ei dat perceptionem, et sic illum docet; (m)immo si credere velitis, internus homo apud hominem ex se in sensu Verbi interno est, quoniam est caelum in minima effigie, et {14}inde cum angelis in caelo quando apertus, quare etiam cum illis in simili perceptione est; quod {15}quoque constare potest ex eo quod ideae intellectuales interiores hominis non sint quales ideae naturales ejus sunt, quibus usque correspondent; sed quales sunt, nescit homo {16}quamdiu vivit in corpore, {17}at in eas sponte venit cum in alteram vitam, quia insitae sunt, et per illas ilico {18}est in consortio {19} cum angelis; inde patet quod homo cui internum apertum est, in (t)Verbi sensu interno sit, tametsi id nescit; inde illustratio ei cum legit Verbum, sed secundum lucem quam habere potest mediis cognitionibus quae apud illum; {20}at quinam illi sunt, (n) videatur n. 9025, 9382, 9409, 9410, 9424, 9430, 10,105, 10,324. @1 naturalis seu externus homo$ @2 i ut fiat spiritualis homo$ @3 naturalis homo$ @4 exteriori ad interius$ @5 per filios Israelis$ @6 i sit$ @7 videat IT$ @8 i nunc$ @9 This proposal was not fulfilled in Arcana Caelestia but in Apocalypsis Explicata n. 72, and n. 720, and in Apocalypsis Revelata n. 541.$ @10 expendant$ @11 ducit altered to ducunt$ @12 qui patet unicuique, qui in interno est cum in externo$ @13 qui$ @14 cum apertus est in coelo cum angelis, inde$ @15 etiam$ @16 cum$ @17 ast$ @18 potest$ @19 i esse$ @20 sed$