10466. `Et bibere fecit filios Israelis': quod significet conjunctum et appropriatum illi genti, constat ex significatione `bibere' quod sit conjungere et appropriare sibi verum, (c)et in opposito sensu falsum, de qua n. 3089, 3168, 8562, hic falsum mali; per `filios Israelis' intelligitur gens illa absque alio sensu, quoniam de ejus proprio hic agitur. Ex his nunc constare potest qualis illa gens est quoad interiora sua, nam in hoc capite illa describuntur.