Supra caput ad aliquam altitudinem fuerunt plures qui influebant in cogitationes meas, et eas quasi vinctas tenebant ut essem admodum in obscuro; satis valide incumbebant; spiritus circum me similiter quasi vincti ab iis tenebantur, sic ut parum cogitare possent nisi quod ab iis influebat, et hoc usque ad indignationem; dictum quod ii essent qui ante diluvium vixerunt, sed non ab iis qui Nephilim dicti et perierunt, nam illis non tam forte persuasivum.