2282. Vers. `32. Et dixit, Ne quaeso succenseatur Domino meo, et loquar tantum hac vice; forte inventi fuerint ibi decem; et dixit, Non perdam propter decem. `Dixit, Ne quaeso succenseatur Domino meo, et loquar tantum hac vice' significat anxietatem adhuc de statu generis humani: `forte inventi fuerint decem' significat si reliquiae usque essent: `et dixit, Non perdam propter decem' significat quod salvabuntur.