2443. Vers. 24. Et Jehovah pluere fecit super Sodomam super Amoram sulphur et ignem a cum Jehovah e caelo. `Jehovah pluere fecit super Sodomam et super Amoram sulphur et ignem' significat infernum quod iis qui in malis amoris sui et falsis inde; `pluere' est damnari; `sulphur' est infernum [malorum] amoris sui; `ignis' est infernum falsorum inde: `a cum Jehovah e caelo' significat quod legibus ordinis quoad verum, quia se separant a bono.