3461. Vers. 32, 33. Et fuit in die illo, et venerunt servi Jishaki, et indicaverint ei super causas putei quem foderunt, et dixerunt ei, Invenimus aquas. Et vocavit eum Shibba, propterea nomen urbis Beersheba, usque ad diem hunc. `Fuit in die illo' significat statum illum: et venerunt servi Jishaki' significat rationalia: `et indicaverunt ei super causas putei quem foderunt, et dixerunt ei, Invenimus aquas' significat vera interiora per illa: `et vocavit (c)eum Shibba' significat confirmati veri conjunctionem per illa: `propterea nomen urbis Beersheba' significat doctrinae quale inde: `usque ad diem hunc' significat status perpetuum.