370. Vers. 9. Et dixit Jehovah ad Cain, Ubi Habel frater tuus? et dixit, Non scio, an custos fratris mei ego? 'Quod dixerit Jehovah ad Cain' significat perceptivum quoddam ab interiore, quod dictavit de charitate seu 'Habele fratre': 'quod dixerit, Non scio, an custos fratris mei ego?' significat quod nihili faceret charitatem, cui non famulari vellet; ita quod rejecerit prorsus quicquid esset charitatis; talis facta est eorum doctrina.