377. Quod 'humus' significet hic schisma seu haeresin, constat inde quod 'ager' significet doctrinam, quare 'humus' in qua ager, est schisma: ipse homo est 'humus,' ut et 'ager,' quia ei inseminantur illa; nam homo est ab iis quae inseminata sunt; bonus et verus a bonis et veris; malus et falsus a malis et falsis; qui in doctrina aliqua, inde vocatur; qui in schismate seu haeresi, inde vocatur; ita hic 'humus' pro schismate seu haeresi quae in homine.