400. Quod 'Cain cognoverit uxorem suam, conceperit, et pepererit Hanochum' significet quod schisma hoc seu haeresis aliam ex se produxerit, sequitur manifeste ex praecedentibus, tum ex versu primo, quod 'Homo et havah uxor ejus genuerint Cainum'; ita quae sequuntur, sunt conceptus et partus similes, tam Ecclesiae quam haeresium, quarum instituebant genealogiam, nam se similiter habent; ex una capta haeresi nascuntur plures.