7708. Vers. 21-23. Et dixit Jehovah ad Moschen, Extende manum tuam ad caelum, et erit caligo super terra Aegypti, et palpabit caligine. Et extendit Moscheh manum suam ad caelum, et fuit caligo densa in tota terra Aegypti tribus diebus. Non viderunt vir fratrem suum, et non surrexerunt quis de sub se tribus diebus; et omnibus filiis Israelis fuit lux in habitationibus illorum. `Et dixit Jehovah ad Moschen' significat instructionem: `Extende manum tuam ad caelum' significat dominium potentiae veri Divini in caelo: `et erit caligo super terra Aegypti' significat omnimodam privationem veri et boni: `et palpabit caligine' (x)significat {1}densitatem falsi ex malo {2}: `et extendit Moscheh manum suam ad caelum' significat dominationem veri Divini in caelo: `et fuit caligo densa in tota terra Aegypti' significat omnimodam privationem veri et boni: `tribus diebus' significat statum plenum: `non viderunt vir fratrem suum' significat quod non perciperent verum alicujus boni: `et non surrexerunt de sub se' significat quod nulla elevatio mentis: `tribus diebus' significat statum plenum: `et omnibus filiis Israelis fuit lux in habitationibus illorum' significat quod illis qui ab Ecclesia spirituali esset illustratio in mente illorum ubivis. @1 ex densitate$ @2 i In apart blad quam Gyllan [?Gyllenborg] cum infestationibus in altera vita$