7810. Alio tempore etiam venit ad me spiritus castigator, et applicuit se lateri meo sinistro infra medium corporis, ut prius, et quoque tunc voluit punire; sed {1}arcebatur ab angelis eorum qui etiam tunc aderant. Ostendebat mihi {2} tunc punitionum genera quae illis permissa sunt inferre hominibus suae telluris, si male agunt {3}et male agere intendunt; erat, praeter dolorem artuum, etiam coarctatio dolorifica circa medium ventrem, quae sentitur sicut compressio a cingulo acuto; tum etiam erat respirationis sublatio per vices usque ad angustias; tum quoque inhibitio ne aliquid praeter panem ederent; demum denuntiatio mortis si similia facere non intermitterent, et tunc privatio gaudii ex conjuge, liberis, et sociis; dolor inde tunc quoque insinuatur. @1 impediebatur$ @2 i is$ @3 vel$