8936. `Et sacrificabis super illo holocausta tua et eucharistica tua': quod significet cultum in specie secundum cujusvis statum vitae spiritualis, constat ex significatione `holocaustorum et sacrificiorum' quod sint Omnis cultus internus in genere, cum varietate secundum {1} varia genera caelestium et spiritualium, hoc est, boni quod amoris et veri quod fidei in Dominum, n. 922, 923, 2165, 2180, 2805, 2807, 2830, 3519, 6905, ita {2} secundum omnem statum vitae spiritualis in specie; inde erat quod tam varii generis sacrificia essent instituta ut praeter quotidiana, sabbatorum, festorum, noviluniorum, inaugurationum, sanctificationum, etiam pro omni reatu, peccato, mundatione, sanatione, partu; inde etiam erat quod secundum statum {3} varia genera animalium adhiberentur, prout boves, juvenci, agni, arietes, caprae, hirci, per quae in specie significabantur varia bona quae vitae spiritualis, [n. 1823, 2180, 3519.] @1 ac$ @2 et hoc$ @3 usum, tam$