9017. {1} Vers. 16, 17. Et furans virum et vendens illum, et inventus fuerit in manu illius, moriendo morietur. Et maledicens patri suo et matri suae, moriendo morietur. `Et furans virum et vendens illum' significat applicationem veri fidei ad malum et abalienationem: `et inventus fuerit in manu illius' significat usque agnitionem ejus: `moriendo morietur' significat damnationem: `et maledicens patri suo et matri suae' significat negationem omnimodam Domini et Ipsius regni ab illis qui ab Ecclesia, et sic profanationem boni et veri Ecclesiae: `moriendo morietur' significat damnationem. @1 16. Et furans virum et vendens illum, significat qui verum genuinum sinistre applicat ad confirmandum falsum; et inventus fuerit in manu illius, significat apud quem hoc fit studio: moriendo morietur, significat quod damnatus. 17. Et maledicens patri suo et matri suo [suae intended], significat blasphemationem Domini et sancti quod ex Ipso: moriendo morietur, significat quod maledictus.$