9040. Vers. (x)22-27. [Et] cum rixati fuerint viri, et plaga affecerint mulierem gravidam, et exiverint partus ejus, et non fit damnum, mulctando mulctabit, quemadmodum imposuerit super illum dominus mulieris, et dabit in judices. Et si damnum fuerit, et dabis animam pro anima, oculum pro oculo, dentem pro dente, manum pro manu, pedem pro pede, ustionem pro ustione, vulnus pro vulnere, plagam pro plaga. Et cum percusserit vir oculum servi sui, vel oculum ancillae suae, et corruperit eum, ad liberum mittet illum pro oculo ejus. Et si dentem servi sui vel dentem ancillae suae excusserit, ad liberum mittet illum pro dente ejus. `Et cum rixati fuerint viri' significat contentionem gravem inter vera: `et plaga affecerint mulierem gravidam' significat laesionem boni quod ex vero: `et exiverint partus ejus' significat si usque in naturali confirmatum: `et non fit damnum' significat quod sic non laesio ibi: `mulctando mulctabit' significat emendationem: `quemadmodum imposuerit super illum dominus mulieris' significat usque dum convenit cum vero boni: 'et dabit in judices' (x)significat secundum (x)aequum: {1}'et si damnum fuerit' significat laesionem: 'et dabis animam pro anima' significat legem ordinis, quod ita facies proximo sicut vis ut {2}ille tibi faciet, proinde quod {3}tibi fiet quod alteri facis; `anima' est vita spiritualis: `oculum pro oculo' significat si aliquid in intellectuali interiore: 'dentem pro dente' significat si aliquid in intellectuali exteriore: 'manum pro manu' significat si aliquid potentiae veri spiritualis: 'pedem pro pede' significat si aliquid potentiae veri naturalis: `ustionem pro ustione' significat si aliquid affectionis quae amoris interius in voluntario: `vulnus pro vulnere' significat si aliquid affectionis (x)quae amoris exterius in voluntario: `plagam pro plaga' significat si aliquid affectionis' in intellectuali, nempe quae exstinguuntur vel laeduntur: `et cum percusserit vir oculum servi sui' significat si internus homo laeserit verum fidei in externo seu naturali: `vel oculum ancillae suae' significat si vel affectionem veri ibi: `et corruperit (c)illum' significat si destruxerit: `ad liberum mittet illum pro oculo' significat quod amplius non servire possit interno: `et si dentem servi sui vel dentem ancillae suae excusserit' significat si destruxerit verum aut affectionem ejus in sensuali: `ad liberum mittet illum pro dente ejus' significat quod non servire amplius possit interno. @1 tota anima et toto corde a respirare written above this v. cp n. 9050$ @2 d alter i ille cp n. 9049$ @3 sibi AI$