9187. Vers. 17-19. Praestigiatricem non vivificabis. Omnis cubans cum bestia, moriendo morietur. Sacrificans diis devovebitur, praeterquam Jehovae soli. `Praestigiatricem' significat illos apud quos aliquid Ecclesiae conjunctum est falsis mali amoris sui {1}: `non vivificabis' significat deprivationem vitae spiritualis {2}: `omnis cubans cum bestia' significat conjunctionem cum malis cupiditatum amoris sui: `moriendo morietur' significat damnationem: `sacrificans diis' significat cultum falsorum ex malo: `devovebitur' significat ejectionem: `praeterquam Jehovae soli' significat quod Dominus, Qui solus et unicus Deus, sit colendus. @1 conjunctionem cum falsis ex malo amoris. Similar words appear in a primary draft of n. 9188.$ @2 damnationem$