9357. Sciendum {1} quod Verbum in nostra tellure, per caelum a Domino datum, sit unio caeli et mundi, n. 9212; ob quem finem (t)est correspondentia omnium quae in littera in Verbo cum Divinis in caelo; et quod Verbum in supremo (c)ac intimo suo sensu agat de Domino, de regno Ipsius in caelis et in terris, deque amore et fide ab Ipso et in Ipsum, proinde de vita ab Ipso et in Ipso; talia sistuntur angelis in caelo, e quacumque tellure sint, quando Verbum nostrae telluris legitur et praedicatur.