9364. Fides persuasiva est cum creditur et amatur Verbum et doctrina Ecclesiae, non propter finem serviendi proximo, hoc est, concivi, patriae, Ecclesiae, caelo, et Ipsi Domino, consequenter non propter vitam, nam illis servire est vita, sed propter lucrum, honores, et eruditionis famam, ut fines; quapropter qui in illa fide sunt non spectant ad Dominum et ad caelum sed ad se et ad mundum.