9518. `Et dabis propitiatorium super arcam desuper': quod significet sic auditionem et receptionem omnium cultus quae ex bono amoris, constat ex significatione `propitiatorii' quod sit auditio et receptio omnium cultus quae ex bono amoris, de qua n. 9506, et ex significatione `arcae' quod sit caelum ubi Dominus, de qua supra; inde patet quod per `conjunctionem propitiatorii cum arca' significetur auditio et receptio omnium quae cultus ex bono amoris a Domino in caelo.