9567. `Malogranata eorum et calami eorum ex eo erunt omnia ejus': quod significet quod scientifica boni et potentiae ex Divino Spirituali, quod a Domino, erunt, constat ex significatione `malogranatorum' quod sint scientifica boni, de qua n. 9552, ex significatione `calamorum' quod sint vera ex bono, et inde potentiae, de qua etiam supra n. 9555, 9558, et ex significatione `candelabri, ex quo erunt' quod sit Divinum Spirituale quod in caelo et in Ecclesia a Domino, de qua n. 9548; inde patet quod per `malogranata et calamos {1} ex candelabro erunt' significetur quod scientifica boni et potentiae ex Divino Spirituali, quod a Domino, erunt; quomodo cum his se habet, videantur quae nunc {2} sequuntur. @1 i quod IT$ @2 i n. 9568$