CAPUT XXVI 1. Et habitaculum facies, decem aulaea, byssino contexto et hyacinthino et purpura et coccineo dibapho, cherubis, opere excogitatoris facies illa. 2. Longitudo aulaei unius octo et viginti in cubito, et latitudo quattuor in cubito, aulaeum unum; mensura una omnibus aulaeis. 3. Quinque aulaea erunt conjuncta, quodvis ad alterum, et quinque aulaea conjuncta, quodvis ad alterum. 4. Et facies loramenta hyacinthini super ora aulaei unius ab extremitate in junctura, ac ita facies in ora aulaei extremi in conjunctura altera. 5. Quinquaginta loramenta facies in aulaeo uno, et quinquaginta loramenta facies in extremitate aulaei quae in conjunctura altera; suscepta erunt loramenta, quodvis ad alterum. 6. Et facies quinquaginta ansulas auri, et conjunges aulaea, quodvis ad alterum in ansulis, et erit habitaculum unum. 7. Et facies aulaea capris ad tentorium super habitaculo, undecim aulaea facies illa. 8. Longitudo aulaei unius triginta in cubito, et latitudo quattuor in cubito, aulaeum unum, mensura una undecim aulaeis. 9. Et conjunges quinque aulaea solum, et sex aulaea solum, et duplicabis aulaeum sextum e regione facierum tentorii. 10. Et facies quinquaginta loramenta super ora aulaei unius extremi in junctura, et quinquaginta loramenta super ora aulaei juncturae alterius. 11. Et facies ansulas aeris quinquaginta, et induces ansulas in loramenta, et conjunges tentorium, ut sit unum. 12. Et redundans superfluum in aulaeis tentorii, dimidium aulaei superflui redundare facies super posteriora habitaculi. 13. Et cubitus hinc et cubitus illinc in superfluo in longitudine aulaeorum tentorii erit redundans super lateribus habitaculi hinc et illinc ad tegendum illud. 14. Et facies tegumentum tentorio pellibus arietum rubrorum, et tegumentum pellibus melium desuper. 15. Et facies asseres habitaculo lignis schittim, stantes. 16. Decem cubiti longitudo asseris, et cubitus et dimidius cubitus latitudo asseris unius. 17. Duae manus asseri uni combinatae, quaevis ad alteram; ita facies omnibus asseribus habitaculi. 18. Et facies asseres habitaculo, viginti asseres angulo meridiei versus austrum. 19. Et quadraginta bases argenti facies sub viginti asseribus duas bases sub assere uno duabus manibus ejus, et duas bases sub assere uno duabus manibus ejus. 20. Et lateri habitaculi alteri ad angulum septentrionis viginti asseres. 21. Et quadraginta bases eorum argento, duas bases sub assere uno, et duas bases sub assere uno. 22. Et duobus cruribus habitaculi versus mare facies sex asseres 23. Et duos asseres facies angulis habitaculi in duobus cruribus 24. Et erunt geminati ab infra, et simul erunt geminati ad caput ejus, ad annulum unum; ita erit ambobus illis, ad duos angulos erunt. 25. Et erunt octo asseres et bases eorum argento, sedecim bases duae bases sub assere uno, et duae bases sub assere uno. 26. Et facies vectes lignis schittim, quinque asseribus lateri: habitaculi unius. 27. Et quinque vectes asseribus lateris habitaculi alterius, e quinque vectes asseribus lateris habitaculi ad bina crura versus mare. {1}28. Et vectis medius in medio asserum transiens ab extremitate ad extremitatem. @1 See p. ix preliminary note 1. A begins here.$ 29. Et asseres obduces auro, et annulos eorum facies auro: domos vectibus, et obduces vectes auro. 30. Et statues habitaculum secundum modum quem videre factus es in monte. 31. Et facies velum hyacinthino et purpura et coccineo dibapho et byssino (x)contexto, opere excogitatoris faciet illud, cherubis. 32. Et dabis illud super quattuor columnas schittim obductas auro, et unci earum auro super quattuor basibus argenti. 33. Et dabis velum sub ansulis, et induces illuc ab intra velum arcam testimonii, et distinguat velum vobis inter sanctum et inter sanctum sanctorum. 34. Et dabis propitiatorium super arcam testimonii in sancto sanctorum. 35. Et pones mensam ab extra velum, et candelabrum e regione mensae super latere habitaculi versus austrum, et mensam dabis ad latus septentrionis. 36. Et facies tegumentum ostio tentorii (x)hyacinthino et purpura et coccineo dibapho et byssino contexto, opere acupictoris. 37. Et facies tegumento quinque columnas schittim, et obduces illas auro, et unci earum auro, et fundes illis quinque bases aeris.