9629. `Et cubitus hinc et cubitus illinc [in superfluo] in longitudine aulaeorum tentorii erit redundans super lateribus habitaculi hinc et illinc ad tegendum illud': quod significet modum quo ultimum illud procedit a bono ut caelum tutum reddatur, constat (c)ex significatione `redundantis super lateribus habitaculi' quod est cubitus hinc et cubitus illinc, quod sit ultimum procedens, de qua {1} supra n. 9627, ex significatione `longitudinis aulaeorum tentorii' quod sint vera ex bono, de qua `supra n. 9617, et ex significatione `tegere' quod sit tutari, nam quod tegit, hoc tutatur ab ingruente malo damnum illaturo; ex his in unum collectis is sensus resultat, quod ultimum illud procedens a bono sit ut caelum tutum reddatur. @1 i etiam$