9671. `Hyacinthino et purpura et coccineo dibapho et byssino contexto': quod significet bona amoris et fidei ibi conjuncta, constat ex significatione `hyacinthini' quod sit caelestis amor veri, de qua n. 9466, ex significatione `purpurae' quod sit caelestis amor boni, de qua n. 9467, ex significatione `coccinei dibaphi' quod sit bonum spirituale, de qua n. 4922, 9468, et ex significatione `byssini contexti' quod sit verum ex origine caelesti, de qua n. 9469; inde patet quod per (o)quattuor illa significentur bona amoris (c)et fidei in medio uniente {1} conjuncta. Cum his ita se habet: qui in caelo referunt medium uniens, quod repraesentatur per velum, conjuncta in se habent bona amoris et bona fidei, nam per bona amoris conjunguntur caelestibus qui in intimo caelo, et per bona fidei spiritualibus qui in medio caelo; nam bonum amoris in Dominum vocatur (o)bonum caeleste, et bonum fidei in Ipsum vocatur (o)bonum spirituale {2}. [2] Qui in caelo referunt medium uniens, vocantur caelestes spirituales et spirituales caelestes; illi repraesentantur in Verbo per Josephum, et hi per Benjaminem; quod Josephus in sensu repraesentativo sit caeleste spirituale, videatur n. 4286, 4592, 4963, 5249, 5307, 5331, 5332, 5417, 5869, 5877, 6224, 6526, et quod Benjamin sit spirituale caeleste, n. 3969, 4592; et sic quod Josephus sit medium uniens internum, et Benjamin medium uniens externum, n. 4585, 4592, 4594, 5411, 5413, (x)5443, 5639, 5686, 5688, 5689, 5822; (x)quid caeleste spirituale, et spirituale caeleste, videatur n. 1577, 1824, 2184, 4585, 4592, 4594. (s)Etiam ex oppositis qui sunt in infernis, {3} noscitur quale discrimen {4} est inter caelestes et inter spirituales in caelis; qui in infernis oppositi sunt caelestibus {5}, illi vocantur genii, et qui (o)ibi contrarii (o)sunt spiritualibus, vocantur spiritus; genii, qui oppositi {6} caelestibus, a tergo sunt, spiritus autem, qui oppositi {7} spiritualibus, a facie sunt; (o)et medii ad latera; genii quia oppositi {8} caelestibus {9}, in interiore malo sunt quam spiritus; de his et illis ab experientia, videatur n. 5977, 8593, 8622, 8625; infernum geniorum prorsus separatum est ab inferno spirituum, usque adeo ut qui in uno (x)sunt transire in alterum nequeant; sunt enim {10} ibi intermedii qui conjungunt, qui oppositi sunt intermediis in caelis. (s) @1 i bonum coeleste et bonum spirituale, quod significatur per velum, n. 9670,$ @2 i ita conjunctio fit$ @3 contrariis$ @4 qualis distinctio$ @5 in contrariis sunt qui in inferno; qui ibi contrarii sunt coelestibus$ @6 contrarii$ @7 contrarii$ @8 ex opposito$ @9 i sunt$ @10 etiam$