3651. Dein a loco isto demissus est ab anteriori, in terram inferiorum, ante pedem sinistrum, et terra ibi subter est, ubi ii qui sanctos se credunt, degunt, ita in eorum consortium, de quorum vita audivi, quod appareant sibi facie lucentes, et quod unus alterum videat sicut faculas; tum etiam passim maculas lucentes, sicut vermium lucentium, solent, ex ideis sanctitatis eorum, fluentes.