3676. Loquutum mecum dein de Verbo, quod necessum fuerit, ut revelatio existeret, nam revelatio, seu Verbum, continet vasa, quibus insinuari possunt spiritualia et coelestia, et quod sic conjungi coelum et terram, alioquin disjuncta foret, et periret humanum genus; at quomodo se habeat cum gentibus, qui nullam habent revelationem, et usque salvantur, sunt arcana, modo perceptum, quod satis sit, ut conjunctio sit per Verbum; caetera sunt arcana. 1748, 24 Oct.