Spiritual Experiences n. 4714

Previous Number Next Number See English

4714.

Forcipes ignis ferrei, quinam ita apparent, rotatio quid et carbonarium
Quidam, de quo supra in priori pagina [4708], qui lignum sub ulna portabat et latrocinabatur, eductus est ex inferno, et loquutus est cum alio, et similiter se gessit sicut bonus, justus et rectus, illi spatiabantur simul, tunc obviam venit quidam qui inculpavit illum quod deceperit, et hoc sub specie honesti et boni, et quod dilapidatus sit illa quae mutuo acceperat, tunc visus est quasi circumrotari, et in medio circumrotationis sicut carbo paene ignitus, et tunc non visus, sed mox apparebat, et dixit quod terrefactus sit a quodam qui illum increpaverat, et minatus sit, et quod excanduerit, carbo in medio paene ignitus fuit excandescentia ejus interna, et circumrotatio sicut rota fuit justum et honestum apparens: postea visus est sicut forceps ferreus, quo accipiunt carbones igneos, et sic conjectus in infernum; narratum quod sub specie honesti fefellerit, et quod potuerit omnes ibi fallere.


This page is part of the Writings of Emanuel Swedenborg

© 2000-2001 The Academy of the New Church