175. Quod Ecclesia Apostolica ne hilum sciverit de trinitate personarum, seu de tribus personis ab aeterno, constat manifeste a Symbolo istius ecclesiae, quod vocatur Apostolicum, ubi haec sunt:
"Credo in [1]Deum Patrem Omnipotentem, Creatorem caeli et terrae: et in Jesum Christum, Filium Ejus unicum, Dominum nostrum; qui conceptus est de Spiritu Sancto, natus a Maria Virgine: et in Spiritum Sanctum:" ibi nulla mentio fit alicujus Filii ab aeterno, sed Filii concepti a Spiritu Sancto, et nati a Maria Virgine; scientes ex Apostolis, Quod Jesus Christus esset verus Deus (1 Joh. v. [2]21 [B.A. 20]); Et quod in Ipso omnis plentitudo Divinitatis habitaret corporaliter (Coloss. ii. 9);
Et quod Apostoli fidem in Ipsum praedicaverint (Act. Apost. xx. 21);
Et quod Ipsi esset omnis potestas in caelo et in terra (Matth. xxviii. 18).
This page is part of 
© 2000-2001 The Academy of the New Church