(((((Vox clamantis in deserto, parate viam Jehovae, explanate in solitudine semitam Deo nostro: revelabitur enim gloria Jehovae, et videbunt omnis caro simul, Esaj: XL: 3.4.[5.]))))) (((((Super monte alto ascende tibi Evangelizatrix Sion, extolle cum virtute vocem tuam Evangelizatrix Hierosolyma, dic, ecce Deus vester; ecce Adonai Jehovih in forti venit, et brachium ejus dominabitur Ipsi, ecce merces Ejus cum Ipso, et pretium operis Ejus coram Ipso, sicut Pastor gregem suum pascet, in brachium colliget agnos, et in gremio suo portabit, lactantes leniter ducet. Esaj: XL: 9.10.11.))))) [9.] Cui assimilabitis Me, cui similis sim, inquit Sanctus: tollite in altum oculos vestros, et videte, quis creavit haec, qui educit in numero exercitum eorum, omnes nomine vocat, Esaj: XL: 25.26. [6.9.] Quis excitavit ab oriente, quem in justitiam vocavit ad sequelam sui, dedit coram Ipso gentes, regibusque dominari fecit, Esaj: XLI: 2. Ego Jehovah Primus, et cum postremis Ego idem, Esaj: XLI: 4. [7.] Ecce servus meus in quem incumbo, Electus meus in quo beneplacitum habet anima mea, dedi spiritum meum super illum, judicium gentibus proferet, calamum contusum non confringet, et linum fumigans non exstinguet, in veritatem proferet judicium, non exstinguet, neque confringet, donec posuerit in terra judicium, Esaj: XLII: 1.2.3.[4.]. [9.] Ego Jehovah vocavi Te in justitia, et dabo Te in foedus populi, in lucem gentium, ad aperiendum oculus caecos, ad educendum e carcere vinctum, e loco claustri sedentes in tenebris: Ego Jehovah, hoc nomen meum, et gloriam meam alteri [non] dabo, priora ecce venerunt, et nova Ego annuntians, antequam efflorescant, audire facio vos, Esaj: XLII: 6.7.8.9. Num est Deus praeter me, Petra non novi, Esaj: XLIV: 8. (((((Sic dixit Jehovah Redemtor tuus, et Formator tuus ab utero, Ego Jehovah faciens omnia, expandens coelos Solus, extendens terram a Me Ipso, Esaj: XLIV: 24.)))))