[7.9.] Accinge gladium tuum super femur potens in decore tuo et honore tuo, in honore tuo conscende, equita super verbo veritatis, et mansuetudinis et justitiae, docebit Te mirabilia dextra tua, tela tua acuta, populi cadent sub Te, ex corde hostes Regis, Thronus tuus o Deus in saeculum et aeternum, sceptrum rectitudinis tuae sceptrum Regni tui, dilexisti justitiam et odio habuisti impietatem, propterea unxit Te, o Deus, Deus tuus oleo laetitiae, myrrha [, aloe,] et Kezia, omnes vestes tuae, filiae regum inter pretiosas tuas, consistit Regina ad dextram tuam in auro ophiris, tum delectabitur Rex in pulchritudine tua, Ipse namque Dominus tuus, propterea populi confitebuntur Tibi in saeculum et in aeternum, Psalm: XLV: 4 ad finem, ubi adhuc plura. [9.] (((Dominabitur a mari ad mare, et a fluvio usque ad fines terrae, incurvabunt se Illi omnes reges, omnes gentes servient Ipsi, erit Nomen Ejus in aeternum, ante Solem Nomen Filii habebit, et benedicentur in Eo omnes gentes, beatum praedicabunt Eum, Psalm: LXXII: 8.11.17. Benedictus Jehovah Deus, Deus Israelis faciens mirabilia Ipsius, et benedictum nomen gloriae Ipsius in aeternum, et implebitur gloria Ejus tota terra, amen, et amen, vers: 18.19.))) [6.] (((Pepigi foedus Electo meo, juravi Davidi servo meo, in aeternum firmabo semen tuum, et aedificabo in generationem et generationem thronum tuum, Ps: LXXXIX: 4.5.6.))) ((((Loquutus es in visione de sancto tuo, et dixisti, posui auxilium super potentem, exaltavi electum, cum quo manus mea firma erit, ponam in mari manum Ejus, in fluviis dextram Ejus, Ille vocabit Me Pater meus Tu, etiam Ego primogenitum dabo Eum, ponam in aeternum semen Ejus, et thronum Ejus sicut dies coelorum, et thronus sicut Sol coram Me, sicut Luna firmus in aeternum, testis in nubibus fidelis, Psalm: LXXXIX: 20 ad 38, illa de Davide per quem intelligitur Dominus, nam haec cum Davide non coincidunt, et de illo loquutus est in visione de sancto tuo. ((((Cantate Jehovae canticum novum; salvum fecit Ipsum dextra Ipsius, et brachium sanctitatis Ipsius, notum fecit Jehovah salutem suam, coram oculis gentium revelavit justitiam suam, viderunt omnes fines terrae salutem Dei nostri, clangite Jehovae omnis terra, personate, jubilate et cantate, quia venit ad judicandum terram, judicabit orbem in justitia, et populos in rectitudinibus, Ps: XCVIII: 1 ad 9.)))) (((((Dictum Jehovae ad Dominum meum, sede ad dextram meam, usque dum posuero inimicos tuos scabellum pedum tuorum, sceptrum roboris tui mittet Jehovah e Zione, Tu sacerdos in aeternum juxta modum Malchizedeki, Ps: CX: 1.2.4.))))) [6.] ((((David juravit Jehovae, vovit forti Jacobi, si intravero in tentorium domus meae, si ascendero super spondam strati mei, si dedero somnum oculis meis, usque dum invenero locum Jehovae, habitacula forti Jacobi, ecce audivimus de Eo in Ephratha, intrabimus in habitacula Ipsius, incurvabimus nos scabello pedum Ipsius, surge Jehovah ad requiem tuam, Tu et arca fortitudinis tuae, Ps: CXXXII: 1 ad 9)))) Pater amat Filium, et omnia dedit in manum Ipsius, Joh: III: 35. Ego et Pater unum sumus, Joh: X: 30. Qui vidit Me vidit Patrem, Ego in Patre et Pater in Me, Joh: XIV: 6 ad 17.