633. Praeterea delectant se diu comedendo, non quod luxuries sit ciborum, sed quod societas sit suavior, dum etiam sedent, et comedunt; non {1} sedent super sellis {2} aut {3} scamnis, aut elevatis toris gramineis, nec super herba, quod aversantur, sicut immundum sub se, sed sub se ponunt folia, et quando vellem scire quaenam folia, tunc confirmabant, quando nuncuparem ea folia ficus, qualibus Adamus et Eva cincti fuerunt a semet [Gen. III: 7], antequam tunicas ovinas sortiti. 1748, die 2 Febr. @1 ms. commedunt (sic!) non$ @2 sic J.F.I. Tafel; ms. cellis$ @3 ms. au$