101. (Vers. 3.) "Et sustinuisti, et tolerantiam habes." - Quod significet resistentia in contra illos qui impugnant vera fidei, et assiduitatem instruendi, constat ex significatione "sustinere," cum de illis qui in cognitionibus veri et boni sunt, quod sit resistentia contra illos qui impugnant vera fidei; nam qui in cognitionibus sunt, defendunt illa, et resistunt illis qui contra illa sunt: et ex significatione "tolerantiam" seu "patientiam" habere, quod sit assiduitas instruendi.