871. "Evangelizare habitantibus super terra." Quod significet annuntiationem de eo omnibus qui ab ecclesia, constat ex significatione "evangelizare," quod sit annuntiare adventum Domini (de qua mox supra, n 870); et ex significatione "habitantium super terra," quod sint qui ab ecclesia, et in specie boni ibi. (Quod "terra" sit ecclesia, videatur supra, n. 29, 304, 413 [b]. 417 [a], 697, 741 [b-d], 742, 752; et quod "habitare" dicatur de bonis, n. 479, 662.)